搞笑忧郁

你知啦, 更年期啲女人, 久时久就会忧郁下, 内分泌荷尔蒙失调喔. 自己知自己事, 失调时候梗係生人勿近果个款, 咪揾个山洞匿埋, 好似只受伤的动物, 用条脷自舔伤口.

食完饭冲完凉, 即卷埋张床里, 打开本食谱书望下, 呢啲书冇情绪冇激情, 唔会令人触景生情, 倍感伤悲.

老公生来掘于言词, 佢见我咁, 都唔知揾乜来讲. 他只说: 老婆, 我出咗粮喇!

我0既眼前, 忽然幻出一个张活游, 或是张瑛, 自己化身为白燕.......



"全哥, 咁就好囖. 今朝早三姑又来催租, 阿B仔0既学费又到期啦."
"珍妹, 你放心, 我应承过, 今日无论如何都要筹到啲钱番嚟嘎."
"哎呀, 全哥, 乜你手伤成咁呀, 你又去码头做咕哩来呀?"
"珍妹, 冇事...只不过係俾啲红墨水染亲啫."
"全哥, 你唔好呃我咯, 我乜都知到嗮喇, 前果排, 你仲去卖血添."
"珍妹, 你千祁唔好咁讲, 为咗呢头家, 我就算点辛苦都会撑住0既."
"全哥, 真係难为咗你咯, 一个倌仔骨骨0既少爷, 你为咗我...."
咳咳咳....咯血...
係白燕呕血咧....亦或张活游呕血...或者齐齐呕血?



谂到呢处, 我想狂笑, 好在老公行开咗, 唔係0既话, 佢一定话我黏咗线.

掀被落床, 开机仄电脑, 银行户口, 过咗账.

我0既忧郁好似冇咗囖. 真搞笑的忧郁.