不是专家

阿君，其实我唔係专家。呢个世界，做专家太容易咯，在某方曾见，有者从网络得来剪贴，俨如专家，悬壶济世。

如果我话，琦琦冇事0既，细佬仔的成长係要啲时间嘎，要俾啲时间佢地学习，学习探索，学习跌到爬起，学习悲伤快乐，学习一切一切，并唔係一下就识嗮嘎。咁0既说话的确係有啲敷衍，但呢啲都係事实。

我也係一个普通妈妈，也曾经历跌跌撞撞咁陪住我啲细佬长大，都冇话对或错0既，一切尽力而为咯。

上两个月，我大女去参加朋友0既生日趴地，唔知点解佢係厕所度喊咗半个钟，仲话don’t want to be alive。佢朋友0既妈妈话俾我听果阵时，吓到我天旋地转，几乎晕低。我都以为，係唔係我出咗咩差错，或者边度做到唔0岩。我知道，自责係冇用0既，咁就同佢倾开来，睇下点样可以帮到佢。佢话冇嘢，其实佢唔想讲。问佢啲朋友，佢地亦都唔知点样落手去帮佢。我知道我0既女有啲心高气傲，佢唔想人地帮佢，咁我话，你有你0既私隐，你唔想俾我地知，咁我揾个专人来帮你，好唔好？ 当然，经过咗几个sessions， 约莫知道佢0既问题係乜嘢，就係青少年的贺尔蒙，同儕交友，对将来的期待，想得到自由，一切一切的overwhelming。佢而家冇事喇，心情恢复开朗咗。

你睇，我三头几句就讲嗮我呢两个月0既心路历程，但对我女来讲，係一个成长，对我来讲，亦都係一个成长。所以我话，我唔係专家，我只不过係一个妈妈，我能够做0既，就係陪佢地成长，扶助佢地成长。