三姑上身

我打开单子，问那柜台工作的一位阿姐：“点解我会争你呢啲钱？”

她看了下单子，数目有点奇怪，她也不解，忙把整叠file找来。

“呢度话係两个月嘅管理费，点解咁多嘎？”

“哦！”她把计算机按了几下。“呢处係七月到十二月争落嘎，另外争两个月的管理费。”

“咩话？我旧年五月就还咗，直还到十二月，边有争你管理费啊？”

“七月开始管理费起咗，而家係195蚊，sinking fund 係49蚊。”

“几时嘅事，点解我唔知嘎？七月到十二月，我早就还嗮咗喇啵，点解仲要起我价?”

“管理费起咗，个system显示你俾嘅管理费唔够，仲争咁多。”

我火了，把整个file拿过来看。“你睇你睇，张单话我paid到十二月，paid咗啦。”

“係嘅係嘅，但係起咗价果啲你冇还到。”

what？你唔好去抢，真係呀。

“你有冇搞错？我俾咗即係俾咗，你起价係你嘅事。你今日去卡4买嘢俾嗮钱，听日话起价，然后话你俾唔够钱，有冇咁嘅理由啊？。。。仲有啊，点解你地叫我嘅租客攞啲租金来还管理费？争你两个月之嘛，就话要割水，冇还水单咪割水咯，争管理费唔係出律师信嘎咩？个合同几时话争管理费可以割水？你地咁做好唔0岩规矩嘎啵。数还数，路还路；我收租，我还管理费，你点可以咁要挟我嘅租客？。。嗱嗱嗱，你check 下个record，我几时唔係提早还嘅？你话喇，旧年五月就还到十二月，冇啲优惠，而家仲叉取我利息，你好意思啊？我摆啲钱落去又唔见你俾利息我?。。。。争你两个月就咁大阵仗，咁同大耳窿有乜分别？我不搂冇争你嘎，你睇到喇。我番亲嚟都还到突嘅。。。”

我好象陶三姑上身，全不顾仪态。费了一番唇舌，当是发泄。被我数落一番的管理处阿姐，悻悻然的豁除那四块七毛九的利息，其他的做不了任何改变。当年周聪张瑛遇到陶三姑要逆来顺受；今时陶三姑遇到这样的软皮蛇管理处，一样是要逆来顺受。

我走下楼，忘了在泳池照下我的愠容。拎着那塑料袋，里边有个毛毛公仔，等下我约了老同学和她的小女娃见面。哦，三姑啊三姑，急急如勒令，快快退乩，下去下去，免得吓坏细佬女。 我抿下嘴，活动下脸部肌肉，摇身一变，我要变成一个慈祥和蔼的安弟，赴约去。